Häsch interessä amenä regelmässigä Probebsuech am Dunnstigobig um 20 Uhr, i dä Engelschüür in Uesslingen?
Mer sind jederziit offä für motivierti Mannä i jedem Alter und i jederä Stimmlag. Jodlä muesch nöd zwingend chönne. Defür gueti
Ohre ha, viel freud am Singe und am Mitenand.
Nocheme churze uflockernde Iiturne, häsch din Alltagsstress scho fasch vergessä und dä Kurt, üsä Dirigent probiert üs mit sinerä
langjöhrige, bodenständige Erfahrig s’Kulturerbe vo Jodellieder z’biibringä, sodass mir den a üsnä Uftritt vielnä Lüüt e Freud chönnd machä.
Im Aschluss ad Prob, erwartet dich den Gselligkeit imenä umliegendä Restaurant.
Wär das öpis für dich?
Den meld dich doch bim Thomas Ankele. 079 605 79 67
Oder au eifach süsch bimenä Mitglied.
Du dörfsch unverbindlich, mehrmols cho inelosä, usprobierä, und üs viellicht sogar besser kenne lernä.
Wer weiss, viellicht häsch den au scho bald äs feschts Plätzli i üsnä Reihä…
I dä Afangsziit unterstützt und begleitet dich den en Kamerad als Gotti oder Götti.
Mängisch isch d’Überwindig chli chliner, wennd äs Gspännli mit nimmsch, damit du dich äs bitz sicherer fühlsch...??
Hey meld dich doch bi üs.
Mer würed üs freue!
